Lassen Sie bei all der Hektik der Zeit die Alltagssorgen einen Augenblick hinter sich und versuchen im Kreise der Familie, der Freunde und Bekannten neue Kraft zu tanken.

Eine besinnliche Weihnacht, ein zufriedenes Nachdenken über Vergangenes,ein wenig Glaube an das Morgen und Hoffnung für das Neue Jahr wünschen wir von ganzem Herzen.

Ihre Freien Wähler in Feucht und Moosbach

Die Christbaumspitz

Fränkische Mundart von Franz Bauer (1901 – 1969)
(a Gschichd vo derham)
 

Des is fei woar und is ka Wids
Die G’schichd fo unsrer Chrisdbaumschbids.
Des war a schäine Schbids jawohl
Fo auß’n silbrich und inner hohl
Drum hodd mei Frau g’sachd “Gouder Frids
Gib mer fei obachd aff die Chrisdbaumschbids!”

Und ich hob grod den chrisdbam budsd
Und hädd mi wergli bald derhudsd
Und walls bressierd hodd dou drum ehm
Lang ich mid meiner Händ’ danebn.
Der Mensch machd manchmol solche Schnids –

Am Buud’n lichds die Chrisdbaumschbids.

Die Frau die woar grod ned zur Schdell
Drum hob ich dengd, ed’s handlsd schnell
Die Hinderseid’n woar lädierd
Drum hob is g’scheid mit Leim o’gschmierd
Hob’s widder naufbabbd auf ihr’n Sids
Gleich hie am Bam die Chrisdbaumschbids.
Wer’s g’wussd hädd, der hädd’s deudlich g’sehng,
doch i hob goarnix g’sachd desweng.

Doch bei der B’scherung – des war dumm
Mir schdenga under’m Chrisdbaum rum
Und weii mei Frau singd ”Einsam wachd”,
dou hadd’s auf amol komisch grachd.
Ich merg, wäi ich ganz blödslich schwids,
am Buud’n lichds däi Chrisdbaumschbids.

Ich hob blous midd däi Achseln zuggd
Und hob an mainer Grawadd’n gruggd
Und hob g’sachd
“Dou is schuld blous dei unheimliche Singerei,
die kräfdichn Dön, die ham’s zerhaud,
Warum blägsd’n immer a su laud?
Du schnuldsd ja viel zu viel Laggrids,
siegsd, ed’s is hie, die Chrisdbaumschbids”.

In Werglikeid is anders g’ween,
der Leim der had sie langsam g’lösd
und had hald nimmer a su babbd,
drum hodd die Schbids sich g’loggerd g’habd
und schuld dro war die Aff’nhids
und ich midd meiner Chrisdbaumschbids.